【試食】元進莊晨露滴雞精

#元進莊 #滴雞精
近年有種產品叫滴雞精，聽講啲諗住生BB或者有咗BB嘅人都好興飲。
我呢啲嫩口黃花閏女，從來無留意過呢啲嘢，生仔？唔關我事喎！
直到元進莊問我有無興趣試下，我先知原來普通唔想生仔嘅人都可以飲，
咁我先認真去了解下佢究竟係乜嘢嚟。

(元進莊晨露滴雞精 65ml x 10包 外盒)

(掃盒上QR code可追溯雞隻來源)

晨露滴雞精入面有18種胺基酸、
用台灣無激素走地土雞做滴雞精比用其他雞有營養、
一條龍由養雞到生產都係同一間公司處理…
呢啲悶嘢對我地呢啲後生細女嚟講根本唔吸引！
最重要係乜嘢呀？好唔好味囉！肥唔肥囉！有乜嘢用囉！

呢款晨露滴雞精係冰住咁送嚟嘅，
一次飲一包，要飲果陣好似煮即食咖哩咁掉落熱水整返熱佢就得，
直接倒入口嘅話連碗都唔使洗，朝早起身飲好方便！

(獨立包裝 一次一包)

(每包都印有製造及有效日期)

(隔水加熱即可)

倒出嚟係好似茶咁嘅色，非常之清，一滴油都無。
聞落去係雞湯咁嘅味，飲落去，又真係雞湯咁嘅味，
我本來聽到滴雞精都會聯想以前飲過黑蚊蚊腥亨亨果種老套雞精，
點知佢同阿媽熬咗好多個鐘果但未落鹽嘅雞湯咁上下味，
有好濃嘅雞味，一啲腥味都無，老實講係幾好飲㗎喎！
因為一隻台灣土雞先整到兩包半嘅滴雞精，
仲要一滴水都無加，所以啲雞味可以咁濃！
我鍾意佢無加藥材，無啲小朋友唔會鍾意嘅甘苦藥味。

(非常清澈的滴雞精！)

聽講滴雞精嘅營養好易吸收、可以畀人體做快速嘅補充，
所以啱老人家、孕婦、小朋友同唔太吸收嘅朋友飲。
咁點解我肥屍大隻又想試呀？
因為佢地話入面有豐富嘅膠原蛋白，飲咗會靚啲，
橫掂佢零脂肪、零膽固醇，飲咗我應該唔會更肥嘅。
同埋佢地話飲咗可以精神啲，精神啲我咪可以拍多幾條片囉。