當媽也要靚│養胎恩物。滴雞精

滴雞精係台灣同香港已經好普及，而且功效顯著，不論大人、小朋友、孕媽或母乳媽媽都適合飲用（特殊體質除外喔 ）。初次接觸滴雞精都係台灣朋友介紹，剛好當時陀住小JM，了解完有關滴雞精嘅功效之後，我就決定一試。
滴雞精對孕媽同胎兒都甚為有益處，而且仲有效地可以做到 「肥B唔肥媽」嘅功效添，所以今次陀住二寶我亦都有繼續飲用。
作為一個全職媽媽係停課嘅呢個月更要24小時無休止咁湊住小JM之餘仲陀住二寶，其實都真係幾攰下，可以話攰到隨時都想訓咁滯，無計啦，休息時間少咗嘛。為咗可以令自己同二寶都保持強健嘅體魄兼有好精神，睇來都係時候要出動滴雞精急救一下啦。
而家嘅滴雞精有埋常溫版，儲存方面已經比起當年陀小JM方便，最緊要唔駛怕攪到冰櫃無晒位嘛！

晨露滴雞精 有別於一般滴雞精，原材料特意選用咗台灣土雞，營養價值亦比一般嘅肉雞或老母雞高好多，營養成分不單止有 20% 蛋白質，而且仲蘊含人體所需嘅(18種)氨基酸、膠原蛋白、鈣﹑磷﹑鐵﹑維生素等，所以功效都特別顯著。

滴雞精當中所含嘅蛋白質係經過長時間加熱，變成人體更易吸收嘅細小分子蛋白質 － 必須胺基酸，所以滴雞精對於手術後、懷孕媽、產婦或老人用作調理係相當合適嘅，而且仲有助上奶添架。所以當年陀著小JM及生產後我都有一直繼續飲用滴雞精，精神好咗之餘奶量亦都保持到，絕對係我孕期及坐月嘅恩物！

滴雞精飲啱時間功效更佳

最啱飲用滴雞精嘅最佳時間係朝早起身空肚飲用，咁會比較易於吸收；但如果朝早無時間的話，亦可選擇於傍晚約五、六點前空肚飲用滴雞精都得架！

就我個人而言，孕期時如若精神稍遜的話，會每日飲用一包作補身之用；而坐月的話，我就會選擇一日飲用兩包，提神之餘仲有助增加奶量添！

因為土雞氨基酸含量豐富，而且正常飲食中亦會攝取到蛋白質，所以都唔駛飲用太多，以免身體無法吸收造成浪費嘛，畢竟滴雞精都唔係平架嘛。（但如果有 發燒、發炎、支鏈有機酸尿症既話就唔適宜飲用）

滴雞精飲加熱要法要翻熱滴雞精其實最好就係將滴雞精隔水加熱，咁就係最方便快捷而且「原汁原味」嘅方法啦！